Familien Euskal Behatokia
La exclusión residencial grave en la CAPV desde una perspectiva de género
SIIS-Centro de Documentación y Estudios, La exclusión residencial grave en la CAPV desde una perspectiva de género. Vitoria-Gasteiz, Emakunde-Instituto Vasco de la Mujer, 121 p., 2016
Laburpena
Oro har, etxegabeen fenomenoa aztertzeko, bazterketa larriari buruzko esparru teoriko orokorra baliatu da, eta, gutxiago, bizitegi-bazterketaren ikuspuntu zehatza edo genero-ikuspegia. Azterlan honen bidez, genero-ikuspegian oinarrituta aztertu nahi da EAEko bizitegi-bazterketa larriaren fenomenoa, baina beste ikuspuntu zabalago bat ere baliatu nahi da, aterperik edo etxerik gabeko pertsonak ez ezik, beste batzuk ere kontuan hartzeko: etxebizitza ez-seguruetan edo desegokietan bizi direnak eta etxegabetzat hartu ezin direnak, bizitegi-bazterketaren eraginpean egonik ere. Helburu espezifiko hauek proposatu dira azterlan honetarako: Eskuragarri dauden askotariko estatistika- eta informazio-iturriak baliatuta, EAEn bizitegi-bazterketa larriko egoeren prebalentzia desberdina zenbatzea eta aztertzea, genero-ikuspegian oinarrituta, ETHOS tipologiaren arabera. Zehatz aztertzea etxerik gabe dauden gizonen eta emakumeen ezaugarri bereizgarriak, haien osaera demografikoa, ibilbideak eta bizi-baldintzak kontuan hartuta. Aztertzea zergatik emakumeen artean txikiagoa den bizitegi-bazterketa muturrekoen egoeren prebalentzia, eta zenbateraino identifikatu daitezkeen genero-identitateen eraikuntza sozialei espezifikoki lotutako babes-, kontentzio- edo balazta-faktoreak. Espezifikoki etxerik gabekoentzat jarritako zerbitzuak erabiltzaileen behar, ibilbide eta nahietara egokituta dauden ebaluatzea eta horren inguruko praktika egokiak identifikatzea.
.jpg)
Berriak
...
.jpg)